Kalaallit angutitaat europamiunit anginerusut
Paarisap usuup puuliarititaa "Torrak" naammagittaalliutigineqaqattaarsimavoq. Usuup puua europamiut angutitaasa agguaqatigiissillugu usuisa angissusaannut tulluuttoq, kalaallit angutitaannut mikivallaarpoq.
Annonce
Siorna PAARISA usuup puuanik akeqanngitsumik pineqarsinnaasumik, ”Torrak”-mik taaguutilimmik sanatitsivoq. Usuup puua pilerinarluartumik puulik nuannarineqarsimaqaaq, sineriammut nassiussuunneqarpoq ingerlaannangajallu nungunneqarluni.
Ajoquteqalaarsimavorli:
- Sinerissami pitsaaliuinermik siunnersortit atuisunit naammagittaalliorfigineqaqattaarput. Usuup puuagooq mikivallaarpoq. Taamaammat tulliani inniminniilerutta anginerulaartunik ilanngussissuugut, Sofie Jessen, Paarisa, oqarpoq.
Usuup puuata silissuseraa 52 mm.