Immap assingi pitsaanerulissapput

Kangilinnguani Sakkutooqarfiup immap assiliortartui Nuup, Sisimiut Ilulissallu eqqaanni uuttortaareerlutik Uummanniarput.

SKA-bådit Illulissat avatinnguanni uutortaaqqammerput.

Uuttortaasut maannakkut angallamminnik Uummannap Sulluanukarput qaammatillu sinnerani matumani uuttortaassallutik.

Maajip ulluisa pingajuanniilli Sisimiut Ilulissallu avataanni uuttortaasoqarsimasoq Kangilinnguani Sakkutooqarfimmit paasissutissiissutigineqarpoq.

Uummannap Sulluaniit Kujataani Toqqusap kitaani kiisalu Paamiut kujataa´tungaani nunap iluani uuttortajartortoqassaaq. Kangilinnguani uninngallatsiareernerup kingorna Qaqortup kangerliumarngani kiisalu Alluitsup Paata aamma Uunartup eqqaanni uuttortaanerit naggataarneqassapput. Uuttortaanerit Kangilinnguanut 5. oktobarimi tikinnermi naggaserneqassapput.

SKA 12 aamm 16, uuttortaarnerni atorneqarput taakkulu arlariinnik aallakaatitsissuteqartunik ekkolodeqarput immallu naqqanik sukumiilluinnartumik (immap itissusaata 3,6-eriaataannik) takutitsisinnaapput.

Angallatit SKA-t tamarmik arfinilinnik inuttaqarput. Imarsiornermillu Sakkutooqarfimmit paasissutissiissutigineqarpoq, kalaallit inuusuttut Imarsiornermik Sakkutooqarfimmiittut taakkununnga inuttaanissaminnut periarfissaqartut.

Kangilinnguani Sakkutooqarfimmit aamma nalunaarutigineqarpoq, Imartanik nakkutilliissut ”Jens Sørensen” Nunatta tungaanut ingerlaartoq. Umiarsuaq ukiut tamaasa tikittarpoq Nunattalu imartaani imarsiornermi nalunaaqutsiussat, naalaralaartitsiviit aqqutissallu nalunaaqutsersukkat aserfallatsaaliortarlugit, premierløjtnant Tom Grastrup Jensen oqarpoq.

Powered by Labrador CMS