Ilulissani atornikuerniarneq
Ilulissani aasarpoq, sapaatiummallu ualikkut inuit timersortarfiup saavanut katersuupput sunik tamanik tuniniaallutik, inuusaniit kasettebånditoqqanut.
Annonce
CD ataaseq 20 koruunilerlugu, kasettebånditoqaq 5 koruunilerlugu... sapaatiummat ualikkut innuttaasut inuinnaat arlallit illoqarfiup timersortarfiata saavanut katersuupput suutiminnik tuniniaallutik. Nukappiaqqat, niviarsiaqqat inersimasullu atisanik, pinngussanik, avatermiunik, tiitorfinnik, kandinik sunillu tamanik tuniniaapput.
Pisiniarfullu imaaginnavipput. Inuppassuit tuniniakkanik takuniaapput - akialu eqqortuugaangat pisisarlutik.