Qaanaami suliniutissat piareerput
Qaanaarmiuaqqanut arsaannermik pikkorissarneq suliniutit aasaru aallartittussat ilagaat.
Qaanaap komitea 4. juni pilersinneqarpoq, Qaanaap kommunianeersunik, Namminersornerusuni Pisortaqarfinni arfineq marlunneersut atorfilittat kiisalu Kalaallit Nunaani Politimester-eqarfik ilaasortaatitaqarlutik. Komitep sulissutigissavaa Naalakkersuisut 10. maj 2007 Qaanaap kommuniani imigassamik matusinermut atatillugu Qaanaap kommunianut immikkut ittumik suliniuteqarnissamut ataqatigiissaarinissaq.
Qaanaami meeqqanut arsarnermik aasaanerani ilinniarfik Kalaallit Nunaani Arsaattartut Kattuffiata aaqqissugaata saniatigut Siorapalummi meeqqat bordtenniserutissanik nassinneqassapput kiisalu Qaanaap kommuniani inunnut isumaginnittoqarfimmi sulisut pikkorissartinneqarnisaat Qaanaap kommunianut tunngatillugu sukkanerpaamik iliuuserineqartussat ilagaat. Iliuuserineqarasuartussat allat pilersaarutigineqartut makkuupput:
Tarnip pissusaanik ilisimasallip 20. - 30. juni 2007 Qaanaamiinnissaa, Qaanaami Ilaqutariit Højskolertinneqarsinnaanerannik periarfissarsiuussinissaq, pinaveersaartitsinermut siunnersortip tamakkiisumik atorfeqartinneqarnissaanik periarfissarsiuussinissaq, m eeqqerivimmi Utoqqaallu Illuanni sulisut pikkorissartinneqarnissaannik periarfissarsiuussinissaq.