Juaaka Sisimiuni kulturchef-inngulerpoq

Katuap pisortaa Sisimiuni piorsarsimassutsikkut illorsuarmi aggustimi pisortanngussaaq.

Juaaka Lyberth Sisimiunut nuulerpoq.

Sisimiut Kommunianni aningaasaqarnermut ataatsimiititaliap Juaaka Lyberth Sisimiuni kulturikkut illorsuassamut pisortatut atorfinitsinniarlugu aalajangerpoq. Juaaka Lyberth qinnuteqartorpaaluit akornanni toqqarneqarpoq, aggustillu 15-ianni atorfittaamini aallartissalluni.

– Kulturikkut illorsuassarput nutaaq pitsaasumik ilisimasaqartumillu ingerlanneqarluni aallartissasoq qularutiginngilara. Inunnut anngusinissaq kulturimullu tunngasutigut oqitsuinnaanngitsumik isumaqatigiinniarnerit pikkoriffigilluinnartuuai, ukiorpassuarnilu suliaqartarnermigut nunatsinni nunanilu allani suleqaterpassuaqalersimalluni, tamannalu Sisimiuni innuttaasut iluaqtigilissavaat, borgmester Hermann Berthelsen oqarpoq.

Juaaka Lyberth 55-inik ukioqarpoq ukiunilu aqqaneq-marlunni Katuami atorfeqarsimavoq, kingulliit arfineq-pingasut pisortatut. Ukiut kingulliit marluk KNR-ip siulersuisuini siulittaasuuvoq, tamannalu ingerlatiinnarniarini Juaaka Lyberthip oqaatigaa.

Powered by Labrador CMS