Qanaami borgmesteriusimasoq: Imigassanik matusineq kukkuneruvoq
Qanaami borgmesteriusimasup Johanne H. Nielsenip naalakkersuisut illoqarfimmi imigassamik matusinerannut atatillugu kommuni taperserpaa
Annonce
Filmiliortartup Karen Littauerip oqaasii pissutigiinnarlugit imigassap Qaanaami matuneqarnera Johanne H. Nielsen eqqortuunngitsutut isigaa.
– Imigassaq sumiluunniit ajornartorsiutaavoq, borgmesteri kommunimi sivisuumik toqqisisimannginnerup kingunerisaanik januarumi tunuartariaqarsimasoq oqarpoq.
Maannakkut borgmesteriusoq Jens Danielsen, Siumut, matusineq ajornartorsiutinut iluaqutaanaviannginnerarlugu oqartoq Johanne H. Nielsenip isumaqatigaa.
– Suliniutissat pitsaasut aallartinneqarersimasut matusineq pissutaalluni iluatsinngitsoorataannaapput. Iluarseeriapallattarneq iluaqutaaneq ajorpoq. Naaalakkersuisut matusiinnaratik ajornartorsiutinik aaqqiiniarnitsainni suleqatigiinnartariaqaraluarpaatigut, Johanne H. Nielsen oqarpoq.