Tikaagullittassat qummut killilerneqarnerat atorunnaarsinneqarpoq
Aalisarnermut, Piniarnermut Nunalerinermullu Pisortaqarfik susassaqartut isumasioreerlugit aalajangerpoq qamutilissorluni tikaagullittassat qummut killilerneqarnerat atorunnaarsinneqassasoq.
Annonse
Tamatumunnga taarsiullugu aggustip qiteqqunnerani agguaaseqqinnissap tungaanut Nuummiit avannamut tikaagulliit 100-ut tungaanut Paamiuniillu kujammut 32-it tungaanut paggatassiissutigineqassapput.
Qamutilissorluni tikaagullittassat qummut killilerneqarnerata atorunnaarsinneqarneranut tunngavigineqarpoq tikaagullinniarnerup aallartinneqarnerata kingorna ersermat ukioq manna tikaagullinniarneq ukiunut siuliinut sanilliullugu aallartilluarnerujussuusoq, ilaatigut kommunini ataasiakkaani pisassat maannamut tamakkerneqareernerinik tamakkerneqangajalerneriniluunniit kinguneqartumik.