Silaannaap kiannerulernerata Nuummi majuartaat aningaasaataaruttoortissinnaavaa
Aputeqanngippat sisorartussaqanngilaq - Sisorartoqanngippat aningaasassaqanngilaq
Silaannap pissusiisa allanngoriartornerat imaluunniit naamik: Nuummi sisorartartut majuartaataat ukiuni makkunani aputissaaleqisangaarmat suliffeqarfik imminut pigisutut ingerlasoq Sisorarfiit ilungersunartorsioraluttuinnarpoq.
– Ukiormanna Nuummi aputaasattorujussuunikuuvoq, Sisorarfiit siulersuisuisa siulittaasuat Steffen Ulrich-Lynge Sermitsiamut oqarpoq.
Aputaasangaarmallu pårskikkunni sangusaarluni GM-ernissaq taamaatiinnarneqarnikuuvoq.
Martsip naanerani aatsaat iluamik apilerpoq, ukiormannali aallartiinnartorli majuartaammi sulisut ujakkaartartut ingerlaarfissaannik iluarsaassillutillu Quassussuup ataani piareersaallutik sulilerput.
Aputeqanngippat sisorartoqarsinnaanngilaq.
– Aputaasangaarmat majuartarfik, Sisorarfiit isertitsissutigisartagatuaat, atorneqarpiarnikuunngilaq, Steffen Ulric-Lynge nassuiaavoq.
Martsip naanerani 2006-imi piffissap taamaalineranut sanilliullugit 400.000 kronit amigaatigineqarput.
Sermitsiaq atuaruk....