Umiarsuarnik takornariat 25.000-it illoqarfinnut nunaqarfinnullu 25-inut
2007-imi aasakkut umiarsuit takornariartaatit aatsaat taamak amerlatigisut nunatsinnut tikissapput. Umiarsuit takornariartaatit 27-it illoqarfinnut 16-inut nunaqarfinnullu qulingiluanut tikittassapput.
Norskit umiarsuartaavisa takornariartaatip nutaap FRAM-ip, Hurtigrutenimeersup, kisimi sumiiffiit 13-it tikissavai, illoqarfii qulit nunaqarfiillu pingasut, pingaartumik Avannaani.
Umiarsuit takornariartaatit katillugit 27-it aasaru nunatsinni umiarsualivinnut tikittassapput. Naatsorsuutigineqarpoq ilaasut 25.000-iussasut, tamakkulu amerleriarput 2006-imi 22.000-iusimariarlutik 2005-imi 16.500-uusimallutik.
Illoqarfiit arfineq-pingasut umiarsuarnik amerlanerpaanik tikinneqartassaspput.
Sisimiut tikinneqarnerpaalluni umiarsuarnik 15-inik 30-eriarluni tikinneqartassaaq, Ilulissat tullersortaalluni umiarsuarnik 12-inik 28-eriarluni tikinneqartassalluni Nuullu pingajuullun umiarsuarnik assigiinngitsunik 19-inik 22-eriarluni tikinneqartassalluni.
Kangerlussuaq umiarsuarnik 7-inik 20-eriarluni tikinneqartassaaq, Qaqortoq umiarsuarnik 18-inik 19-eriarluni tikinneqartassaaq, Ittoqqortoormiit umiarsuarnik 12-inik 16-eriarluni tikinneqartassalluni, Qeqertarsuaq umiarsuarnik 4-nik 14-eriarluni Uummannarlu umiarsuarnik 33-nik 14-eriarluni tikinneqartassallutik.
Tasiilaq, Narsarsuaq Qaanaarlu qulingiluariarlutik, arfineq-pingasoriarlutik arfineq-marloriarlutillu tikinneqartassapput.
Makkua umiarsuarnik takornariartaatinik ataatsip tallimallu akornanni tikinneqartassapput:
Savissivik, Kullorsuaq, Upernavik, Saqqaq, Aasiaat, Maniitsoq, Paamiut, Ivittuut, Qassiarsuk, Narsaq, Igaliku, Nanortalik, Alluitsup Paa nunaqarfillu inuerunnikoq Alluitsoq.