Radarilerisuusimasoq borgmesterinngortoq
Jørgen Ole Nyboe Nielsen Pituffimmi innuttaasut siunnersuisoqatigiiffianni siulittaasunngorpoq
Aningaasarsiupallaannariarsinnarluni Danmarkimut uteqqissamaarsimagaluarpoq.
Sunaaffali taamaassanngitsoq.
Jørgen Ole Nyboe Nielsen, »Dino«-mik taaneqartartoq radarilerisunngoriartorluni 1974-imi Pituffimmut tikissimavoq.
– Aallaqqaataaneeqqissagaluarumaluunniit Pituffiliiaqqissagaluarpunga. Siusinnerusukkulli Danmarkimut uteqqissimassagaluarpunga. Qitornakku nuliakoralu eqqugaapput, oqarpoq.
Jørgen Ole Nybroe Nielsen 1974-imi ilinniarnertunngorami aningaasarsiupallanniarluni Kalaallit Nunaaliarpoq.
– Suliffittaara nuannaralugulu soqutiginartippara. Ilaatigullu sakkutooqarfimmi sulisut peqatigiiffiannik aallartitseqataanikuuvunga.
Ukiut 30-it sinnerlugit
Jørgen Ole Nyboe Nielsen maannakkut ukiut 30-it sinnerlugit sakkutooqarfimmiissimalerpoq.
– Utoqqalillunga tunuarnissama lottomiluunniit aningaasarpassuarnik eqquinissama tungaanut Pituffimmiissaanga, Jørgen Ole Nyboe Nielsen illarluni oqarpoq.
Demokraatit sinnerlugit inatsisartunut qinigassanngortissimagaluarpoq isingajassimagaluarlunilu.
– Suli inatsisartunut pilerivunga.
– Maanngaanneersumik inatsisartuniittoqarnissaa pingaaruteqartutut isigigakku, oqarpoq.