Takornariartaaterpassuit tikissapput
Kalaallit Nunaanni Takornariaqarnermut Siunnersuisoqatigiit naatsorsuutigaat umiarsuarnik takornariartaatinik takornariat amerlanerussasut.
Hurtigrutenip umiarsuartaavata FRAM-ip atulerneratigut naatsorsuutigineqarpoq aasaru umiarsuit takornariartaatit 200-t sinnerlugit nunatsinnut tikittassasut. Taamatut paasissutissiipput Kalaallit Nunaanni Takornariaqarnermut Siunnersuisoqatigiit.
Ulapinneq annertunerussammat sumiiffinni arlalinni pilersuinikkut ajornartorsiortoqalersinnaavoq. Taamaattumik Takornariaqarnermut Siunnersuisoqatigiit illoqarfiit nunaqarfiillu ataasiakkaat umiarsuarnik takornariartaatinik tikinneqartussat kajumissaarpai tikinnissat tamaasa sioqqullugit piareersarluartaqqullugit.