Maniitsoq 2006-imi sinneqartooruteqarpoq
Maniitsup Kommunea 2006-imi 6,7 millioner koruuninik sinneqartooruteqarpoq, missingersuutigineqarsimagaluarluni 1,5 millioner koruuninik amigartooruteqarnissaq.
Taamaasilluni ukiumi angusat naatsorsuutigisamit 8,2 millioner koruuninik pitsaanerupput, kommunalbestyrelsillumi 2006-imut naatsorsuutit taavai "naammaginartutut".
Maniitsup Kommuneata 2006-imi ingerlanneqarnera 151 millioner koruuninik akeqarsimavoq, kommunilu sanaartorsimavoq 9,3 millioner koruuninut.
Kommunip isertitai siorna 167 millioner koruuniusimapput.