Kalaallit Nunaata avannaani immap naqqanik uuttortaaneq
Svenskit sikunik aserorterutaataat Oden russillu aqqartartuat atomitortoq Sovjetski Sojuz ("Sovjetunionen“) augustimi Kalaallit Nunaata avannaanukassapput. Immap naqqanik uuttortaajartorlutik.
Illersornissaqarfik taama ilisimatitsivoq.
Russit sikunik aserorterutaat atomitortuuvoq silarsuarmilu taamaattut nukittunersaraat. Taassumallu Oden sikukkut meterimik issussusilikkut aqqutissiussavaa. Svenskit sikumik aserorterutaata Kalaallit Nunaata avannaani immap naqqa peqqissaarluinnartumik uuttortassavaa.
Angalanissaq LOMROG 2007-imik taaguteqartoq nunap immanut itisileriarneranik misissuinerup ilagaa. Danmark ilaatigut USA, Canada Ruslandilu ilagalugit issittut nunataannik pigiumannittunut ilaavoq, taamalu Danmarkip, Kalaallit Nunaata Savalimmiullu piumasaqarneq tamanna 2014 nallertinnagu uppernarsaasertussaavaat.
Sikunik aserorterut uuttortaateqarpoq nutaalianik Danmarks og Grønlands Geologiske Undersøgelse-mi Århus Universitetimilu inerisarneqarsimasunik.