Ilisarnaammik unammisitsinermi Dorte Mylliin Danielsen ajugaavoq
38-inik ukiulik Dorte Mylliin Danielsen Nuup kommunissarsuata ataatsimut quppernissaata nittartakkap ilisarnaatissaanik unammisitsinermi 10.000 koruuninik akissarsivoq.
Kommunissarsuarmi peqataasussaapput Nuuk, Ittoqqortoormiit, Ammassalik, Ivittuut aamma Paamiut.
- Titartakkapp takutippaa illoqarfiit allunaasamik katinngatinneqartut, allunaasaq tassaalluni Kalaallit Nunaata nunataa maniitsoq kommunissarsuarlu siuninnguanniittoq. Inuusaliat takussutissaapput arnanut angutinullu, inersimasunut, meeqqanut utoqqarnullu, Dorte Mylliin Danielsen Nuuk Nyt-imut oqarpoq. Eqqumiitsuliortup ilisarnaammut kalaallit saanernik inuusaliaat isumassarsiffigisimavai.
Dorte Mylliin Danielsen unamminermi aamma nr. 2-ngorpoq 5.000 koruuninnassutigalugu. Ilisarnaammik unammisitsinermi siunnersuutit katillugit 98-it nassiunneqarsimapput.
Unamminermi nr. 3-ngorpoq Tina Halle, 3.000 koruuninnalluni. Tamatuma saniatigut 14-inik ukiulik Maja Lisa K. Hansen kajumissaaserneqarpoq.