Eqqarsartaatsikkut assigiinngissutsip avissaartippai
Nungusaataanngitsumik atuerusunnerup kilisaataatillillu aningaasarsiornerannik illersuinerup imminnutakerleriissinneqarnerat naalakkersuisooqatigiinnermik ajalusoortitsivoq.
Ilaat ullumikkut oqassapput nunatsinni partiit pingasuullutik suleqatigiinniaraluarnerat aallaqqaammulli atasin - naanngereersoq. Immaqa ilumoorput. Naalakkersuisulli avissaarerat tassanngaannaq naarallannertut pivoq apriilip ulluisa naggataanni 2007, ukioq ataaseq qaammatil lu sisamat naalakkersuisunngoqatigiinnermiit qaangiuttorlu.
– Atornerluisutut aalisapiluttutullu nieqartinniarneqassanngilagut....Aaqqiivugut aalisakkanik tunisassiortut nioq - qutissiortullu suleqatigilluin narlugit... aalisapilutsitsinianngilagut, tamannaakuerisinnaanngilluinnarparput!
Naalakkersuisut siuttuat Hans Enoksen Inatsisartut oqaluttarfianniit taama oqarpoq, naalakkersuisooqataasut Inuit Ataqatigiit soraarseqqammerlugit taa - maaliornini tunngavilersoramiuk.
Aalisapilunneq nungusaannginnerluunniit
Taamaalilluni Hans Enoksenip uppernarsarpaa kilisaataatillit taakkulu aningaasarsiornerat pingaarnerutikkini. Inatsisartut aalisarnermut ataatsimiititaliaanni sunniuteqaqisumi raajanut malittarisassat ukiortaami atulersut kilisaataatilinnillu assuarineqaqisut, qaammatini sisamani assortuussutaasimapput.
Malittarisassat nutaat naapertorlugit raajat kilisaatinit tulaanneqartut, nioqqutissiorfimmili pisiarineqanngitsut, pisassanut ilanngunneqartalerput, siornatigutut ilanngaatigineqaratik. Taama periuseqarneq 1995-imili atulersimavoq, naalakkersuisullu ilisimatitsissutigaat ukiumut pisassatut akuerisat 130.000 tonsit ukiut tamaasa 20.000 tonsit angullugit sipporneqartartut.
Sinnera Sermitsiami atuarkuk...