Sakkutuut imarsiortut kalaallinit inuusuttunit soqutigineqarluarput
Iluatsilluarpoq, taamatut sakkutuut imarsiortut Kalaallit Nunaanni Savalimmiunilu pasititsiniaaneq imarsiortutut sakkutuunngortitsisussaq pillugu oqarput
Piffissami sivisungaatsiartumi sakkutuut imarsiortut danskinik inuusuttunik sakkutuunngortitsiniarnertik ajornartorsiutigisimavaat, taamaattumik Kalaallit Nunaanni Savalimmiunilu paasititsiniaaneq aallartinneqarpoq.
- Ilimagisamit ingerlalluarneruvoq, 1. eskadremi, taanna Frederikshavnimi Flådestationimi angerlarsimaffeqarpoq, sulisoqarnermut pisortaq, premierløjtnant Maria Martens nordjyske.dk oqarpoq.
Aviisi naapertorlugu soqutiginnittoqaqaaq. Kalaallit Nunaanni inuusuttut 1070-it takkupput Savalimmiunilu inuusuttut 529-t takkullutik.
- Inuusuttunut 10. klassini atuartunut ilinniagaqartunullu paasititsiniaasoqarpoq, Maria Martens oqarpoq. Taassuma oqaluttuaraa inuusuttut tamangajalluinnarmik sakkutuut imarsiortut ilisimasaqarfiginngikkaat.
Inuusuttut ”Triton”-imi aamma ”Hvidbjørnen”-imi akissutisipput, taakkunani inuttaasut assigiinngitsunik workshopertitsinissaminnut piareeqqapput, taamaalillutik inuusuttut sakkuniit annaassiniutinut takusaqarput.
Ilinniartitaanermi ullut ukiaru Kalaallit Nunaanni Savalimmiuni ilinniartitaanerit pillugit takutitsinerni peqataalluni malitseqartinneqassapput.
.