Mittarfimmi sulisut SIK-mit qimarrapput

Mittarfeqarfinni terminalimi sulisut 60-it, SIK-p isumaqatigiissutaa malillugu sulisut, ataatsikkoortulik kattuffimmut ilaasortaajunnaarput. Taamaasiorput akerlerigamikku kingullermik isumaqatigiinniarnernut atatillugu suli akunnermusiaqartitaanertik. Ukiuni arlalinni sulisunit piumasarineqarsimavoq qaammammulisiaqalersinneqalernissartik - taamaasillutillu assersuutigalugu napparsimanerminni akissarsiaqarnissartik qulakkeerneqassammat.

– Paasigatsigulu kingullermik isumaqatigiinniarnermi piumasaqaat aamma naammassineqarsimanngitsoq, SIK-mit aniniarluta aalajangersimavugut, SIK-p branchemi siulittaasorisimasaa Erik Nielsen, terminalimi sulisut naammaginninngitsut, oqaaseqartitaat oqarpoq.

Oqaaseqartitaq naapertorlugu isumaqatigiinniartarnerni kingullerni piumasaqaat tamanna SIK-p puigortarsimavaa. Taamaariarmallu sulisut kattuffimmit anipput.

Mittarfimmi sulisut maanna isumaqatigiinniarsinnaaneq tigunialerpaat, tamatumalu kingorna Namminersornerullutik?Oqartussat isumaqatigiinniarnermut immikkoortoqarfiannik namminneq isumaqatigiinniarniarlutik.

Sermitsiaq atuaruk.....