Ilulissani napparsimaviup ammasarneri ikilineqarput

Nukinginnartumik saaffiginninnerit nakorsanullu immikkut ilinniagalinnut nakorsiarnissat allanngortitsinermit eqqorneqanngillat.

Napparsimaviup aningaasaqarneranut tunngasut pissutaallutik atorfiit tamakkerlugit inuttalernissaat ajornarallarsimavoq. Tamatuma malitsigisaanik piffissami sivisunerusumi sulisut ilungersungaatsiartarsimapput. Sulisut ilungersortitaanerat massakkut ima annertutigilersimavoq Peqqissaaveqarfinnik Aqutsivik napparsimaviup pisortaanut napparsimaviup nakorsiartitsilluni ammasarnera sivikilliseqqullugu piumasaqartariaqalersimalluni.

Sivikillisitsineq ulluinnarni napparsimaviup nakorsiartunut ammasarnerata sivikillineqarneranik kinguneqarpoq. Napparsimaviup nukinginnartoqartillugu nakorsiartitsisarnera allanngunngilaq aamma nakorsanut immikkut ilinniarsimasunut aqqusaartunut nakorsiarnissamik isumaqatigiissutit pilersaarutaareersutut ingerlanneqarumaarput.

Peqqinnissaqarfiup pimoorullugu aningaasatigut pissutsit innuttaasunut malunnaatilimmik kinguneqannginnissaat anguniarlugu sulissuteqarpoq pissutsillu pitsanngorsarniarlugit iliuuseqarniarsaraluni napparsimasunut sullissineq isumannaatsuunerlu eqqornaveersaarlugit sipaarniuteqarnikkut.

Powered by Labrador CMS