Orto Ignatiussen Karen Littauerilu nersornaaserneqartut
Nersornaat Odd Fellow Logen nr. 3 Nordstjernens Grønlands Pris, ippassaaq ilitsersuisumut Orto Ignatiussenimut Karen Littauerimullu tunniunneqarpoq.
Orto Ignatiussen nersornaammik tunniussinermi najuutinngilaq, Tunumi illoqarfimmini angerlarsimaffimmini Tasiilamiikkami. Nersornaat Karen Littauerimit tiguneqarpoq. Nersornaat 10.000 koruuninik aningaasartaqarpoq, nersornaaserneqartullu siumut aalajangereersimavaat Tunumi meeqqanik suliniuteqarnermut atorneqassasut.
Logenip oqalugiartua overmester Erik Hansen: – Qaanaami qaammatini pingasuni tupinnaannartumik suliniuteqareerlusi angerlamut utersimavusi. Suliniut illoqarfimmi meeqqanut inuusuttunullu tamanut sammitinneqartoq. Kikkut piumassuseqarluartut ilissiunngitsut nukissarsiorsinnaappat tamatumalu kingorna ilaarunnartumik piumassuseqarluarlusi suliniut taamak annertutigisoq, sammisaqarfimmi naammassineqarsinnaanngitsutut isikkulimmi ingerlallugu?
– Meeqqat nassaarsiornermik piffissamut sivisuumut misigisaqartissimavasi Qaanaami pitsaasumik kingunilimmik. Meeqqat ammanerulersimapput, imminnut tatiginerulersimallutik namminnerlu isiginnaartitseqatigeeqalersimallutik suleqatigiissutigisinnaasaminnik. Inuiaqatigiinnguani sorlanititsisimavusi.