Littauer: Qaanaami imigassamik matusineq kukkuneruvoq

Qallunaap filmiliornermik ilitsersuisartup Karen LIttauerip, Qaanaami nalakkersuisunik imigassamik matusititsisup, upperinngilaa inerteqquteqarneq kisimi ikiuutaasinnaasoq. Tamatumannga annertunerusumik iliuuseqartoqassaaq, taanna isumaqarpoq.

Karen Littauer meeqqanut inuusuttunullu suliniuteqarnerminut atatillugu qaammatini pingasuni illoqarfimmiissimavo. Tassani misigaa illoqarfimmiorpassuit ernguttorujussuit, meeqqallu ukiorneqarnissaminnik kissaateqartut ikiorneqarsinnaanngitsut. Taamaakkaluartoq isumaqarpoq imigassamik matusineq aaqqiissutissaanngitsoq.

- Meeqqat oqaloqatigisimasama imigassap matuneqarnera nuannaarutigaat aalakoortunik takusarunnaassagamik. Ulorianartoqarporli inuit træspritimik imertalernissaannut imaluunniit namminneq imigassamik sanasalernissaannut. Tamanna Kalaallit Nunaanni misilittagaqarnerluffigineqarpoq, taanna Ritzaumut oarpoq.

ilitsersuisartup tupigusuutigaa naalakkersuisut imigassamik tuniniaaneq matummassuk namminneq illoqarfimmiissimanatik. Taanna isumaqarpoq innuttaasunik, imigassamik pinngitsoorsinnaanngitsunik, imigassamik arsaarinninnikkut neriuutaaruttoqarlunilu isumatsattoqalissasoq.

- Imigassamik matusinissaq utaqqissuttariaqarsimassagaluarpaat isumaginninnermik sulisut pisariaqartitat tamaasa peqatigalugit taavaneereernermikkut, Karen Littauer oqarpoq.

Powered by Labrador CMS