?Ikittuinnaat ilaqutariittutsillimmasertarput

Kalaallit Forsikringip innuttaasut 20 procentiinnaat ilaqutariittut sillimmasersimanerarpai.

Oqartoqarsinnaavoq Kalaallit Nunaanni ilaqutariit ilaannaralaanngui ilaequtariittut sillimmasersimasut, Kalaallit Forsikringimi sillimmasiisitsisartoq Michael Linfos oqarpoq.

Naatsorsuutigaa annerpaamik innuttaasut 20 procentii kisimik ilaqutariittut sillimmasersimasut, naak ilaqutariit tamarmik taamaatut sillimmasersimanissamik pisariaqartitsigaluartut.

Sillasernikkut pigisat ilaqutariitr sulerulunnikkut pigilersimasaat sillimmaserneqartarput. Ilaqutariinnullu sillimmasiissutit 300.000 kronit tikillugit nalillit qaammammut cigarettit poortat maluunngitsulluuunniit nalinginik akeqartarput, Michael Linfos oqarpoq.

- Sillimmasertartut sooq taama ikitsigaat. Ilissi paasisitsiniaanerluppallaarpisi?

- Nettekkut avisitigullu nittarsaassisarpugut, soorunalimi ilungersuuppallaarnagu, Michael Linfos oqarpoq assigiinngitsullu sunniutteqartarnerarlugit:

- Soqutiginnippiannginneq akissaqannginnerlu. Ilaqutariit allanik pingaarnerutitaqaraangamik sillimmasernissaq tunulliuttarpaat.

Ilaqutariittut sillimmasertarneq pillugu annerusumik paasisaqarusukkuit alakkarsinnaavat Kalaallit Forsikringip nittartagaa: www.forsikring.gl

Powered by Labrador CMS