Nuummi biilit amerlassusaat killineqartariaqarput
?Innuttaasut amerlanersaat taamatut isumaqarput
?Biilerpassuit mingutsitsingaarmata biilit illoqarfimmut eqqunneqartartut killiliifigineqartariaqarnerat innuttaasut ilaasa oqaluuserilerpaat.
Illoqarfimmi innuttaasut amerlanersaat tamatumunnga isumaqataapput. Tamanna HS-Analysep Nuuk Ugeavis sinnerlugu misissusinerani takuneqarsinnaavoq.
Tupaallaatigineqarsinnaanngitsumik taamatut isumaqartut 55 procentii arnaapput 55 procentiilu angutaallutik.
Tupaallaatigineqarsinnaanngitsumillu aamma inuit biilillit killilersuisoqarnissaa tusarumanngilaat.Utoqqaanerusut siunnersuummik tapersersuipput, inuilli 30-it inorlugit ukiullit killilersuinissamut akerlillutik.
HS-Analyse inuit nalaatsornikkut qinikkat 615-it sianerfigisarlugit misissuivoq.
Misissuinermi apeqqut akineqartussaq tassaaavoq »Ukiuni kingullerni Nuummi biilit amerlerujussuarsimapput. Ilaasa biilit amerlassusissaa killiliiffigineqarnissaat eqqarsaatigaat. Tamanna illit isumaqatigaajuk?«.
Apeqqutip taassumap qanoq isumaqatigineqartiginera paaserusullugu Nuuk Uageaviisi taamatut misissuisitsivoq.
Ullumikkut Nuummi aqqusinerni 100 kilometerinik isorartussuseqartuni biilit 2.591-it angallapput. Namminersornerullutik oqartussat tamakkununnga allaffianniit oqaatigineqarpoq biilit ukiuni makkunani amerlipiloorsimasut. Biilit Kalaallit Nunaanni pigineqartutut nalunaarsorneqarsimasut Nuummiipput.