Nappaanni akiorpaa
Frederik »Kunngi« Kristensen katsorsarneqarsinnaanngitsumik Parkinsonimik nappaateqarpoq
Frederik »Kunngi« Kristensen Parkinsonimik nappaateqarluni paasigamiuk qujavoq. Nakorsalli qujasariaqannginnerarpaa, nappaat taanna ajorluinnartuummat.
– 1999-imi taamatut pisoqarpoq, ullumikkullu timiga aqussinnaannginnakku amerlasuut aalakoorsorisarpaannga. Nalugamikku imminut aqussinnaannginnera Parkinsonimik nappaateqarninnik peqquteqartoq, 54-nik ukiulik Frederik Kristensen oqarpoq.
Nappaatip ersiutaasa pingaarnersarisarpai sajunneq, nukiit qerattarnerat, kigaaatsumik aalaaseqarneq makittarlunnarlu.
– Neurologimut iserama oqaasia siulleq tassa parkinsonimik nappaateqartunga. Qujavunga, nakorsalli qujaqqunngilaanga nappaat ilungersunartuummat, uangali nappaat taanna qanoq ittuunersoq ilisimasaqarfiginngilara. Dronning Ingridip Napparsimmavissuani nappaat taanna pillugu paasissutissaateqanngimmata Nunatta Atugaateqarfianukarlunga nappaat taanna pillugu atugassarsiorpunga.
Nappaat Parkinson ikittuinnarnit ilisimaneqarpoq, Frederik Kristensenillu nalunngilaa inuit ilaasa aalakoornasorisaraanni.
Sermitsiaq atuaruk....