Nuummi perrorsaasut amigaataaqaat
Nuup Kommunea perorsaasunik amigaateqartorujussuuvoq. Atorfinnit 11-iusunit kommunip 43-it amigaatigai, Nuuk Nyt taama allappoq.
Annonse
––Amigaatigineqartut suliluunniit amerlanerugaluarput, tassa peqqissaanermi isumaginninnermilu ikiortit kiisalu meeqqerinermi ikiortit aamma immikkut akuerineqarllutik perorsaasutut sulisarmata, Kalaallit Nunaanni Perorsaasut Peqatigiiffiata siulittaasuata tullia Steen Pedersen oqarpoq.
Perorsaasutut ilinniarsimasut atorfinnut allanut nuuttarnerat marlunnik pingaarutilinnik peqquteqarnerarpaa.
– Tassa akissarsiat appasinnerujussuat meeqqallu sumiginnakkat pissutaallutik suliap artornarnerujussua, Steen Pedersen oqarpoq.
Kalaallit Nunaanni perorsaasutut atorfiit katillutik 450-iupput. Taakkunannga 210-it inuttaqanngillat.