Alapernaarsuisut Sirius nanorpassuarnik naapitsisimapput
Alapernaarsuisunit Siriusimit qimusseqatigiit marluk nunamut qaqisimapput nannunillu arlalinnik takunnissimallutik. Ilaat qaninniartarsimapput.
Annonse
Ullut 14-it kingulliit ingerlaneranni qimusseqatigiit marluullutik 360 kilometerinik avannarparsimapput Station Norditullu avannarpasitsigingajalersimallutik.
- Unnuaq iterpugut nanoq illuaqqap silataaniittoq. Qimmit tikingajavillugit narajorpai, Thomas Hansen Kangilinnguani Sakkutooqarfiup qupperneranut nittartakkamut oqaluttuarpoq.
Qimmit qimusseqatigiillu tamaviaaraluaqisut nanoq qimagukkuminaatsissimavaat. Nanorlu qaninniartoq kiisami qimagutituarmat sivitsunngitsoq nanoq arnaviaq inoorlaangajammik piaralik takkuppoq. Taavalu suut tamarmik aallaqqaataaniit aallartipput.
- Unnuaq taanna sinippallaanngilagut, Thomas Hansen nassuiaavoq.