KIm Kielsen: Nuuk pilluarit
– Nuuk Pilluarit. Nuup Kommuneata pitsaasumik suleqatigineqarnera, piginneqatigiiluni inissianik 210-nik, taakkunanngalu 14-inik inuusuttunut naleqqulluartunik takorloorneqartunik inissialiortiternissamik kinguneqartussanngortoq nuannaarutigeqaara, Ineqarnermut naalakkersuisoq, Kim KIelsen oqarpoq
Nuup Kommuneani kommunalbestyrelsimut ilaasortat isumaqatigiissut 4. april najukkamut pilersaarummik, Tuapannguani Blok Q-p, R-ip aamma S-ip isaterneqarsinnaanerinut, tassanilu piginneqatigiilluni inissiat nutaaliaalluinnartut 210-t sananeqarsinnaanerinut periarfissiisumik akuersipput.
– Sanaartugassaq maanna Naalakkersuisunut aamma Inatsisartut Aningaasaqarnermut Ataatsimiititaliaannut inaarutaasumik akuerineqartussanngorlugu saqqummiunneqassaaq, taamaalilluni piginneqatigiilluni inissiaatillit peqatigiiffiinut arfineq marluusunut taarsigassarsititsinissamut neriorsuuteqartoqarsinnaalissalluni, aammalu sanaartorneq najugaqartuusimasunut utersinnaasunut – piginneqataalersussanullu nutaanut – iluaqutaasumik nuannaarutaasumillu aallartinneqarsinnaalissalluni, Kim Kielsen oqarpoq.