Demokraatit
– Kalaallit kigutigissaasussaasa kigutilerisussaasalu ilinniartitaanissaat pimoorunneqarnerulertariaqarpoq, Palle Christiansen isumaqarpoq
– Demokraatit nuannarissagaluaqaat siunissami taamaattunik amerlanerusunik aaqqissuisoqartartuuppat – immaqami namminersorlutik suliarinnittartut ilanngunneqarsinsnaagaluarput, sunniutaa suli sakkortuneruleqqullugu.
Siunissamai kigutileritinnissamut pisariaqartitsineq annikinnerulersinneqassappat, Demokraatit kissaatigaat siunissami peqqinnissaqarfimmiit kalaallit kigutigissaasussaasa kigutilerisussaasalu ilinniartitaanissaat pimoorunneqarnerulissappat.
– Kigutiginnerulernisamut soqutiginninneq annerulersinneqassappat, kigutileritikkusuttut amerlanerulissapput. Ilumullimi kigutiginnerulernissaq malinnaaffigineqartuassappat, kigutileritittariaqalersut akuttunngitsumik misissortittarnisaminnut periarfissaqartariaqarput. Taamaassappat ullumikkornit amerlanerusunik sulisoqartariaqarpugut, maannakkumummi sulisorisat amerlaqisutigut artukkerneqartuareerput, Palle Christiansen, Inatsisartuni ilaasortaq kigutilerisorlu oqarpoq.