Sisimiuni meeqqerivimmi inissat 25-it atorunnaarneqartut
Meeqqerivimmi Sisimi init marluk matuneqarput - init meeqqanut 25-inut inissaqarput
Sisimiuni meeqqerivimmi Sisimi, meeqqanut 85-inut inissalimmi siorna meeqqeriviup tigusinnaasaanit meeqqat ikinnerusut paaqqutarineqarsimapput. Tamatuma kingunerisaanik Sisimiut Kommuneata init marluk matuvai. Init matuneqarnerisa kinguneranik aamma suisunut atorfiit arfinillit atorunnaarsinneqarput.
Meeqqerivimmut meeqqanik utaqqisuerummat meeqqerivinnilu inissat allat inoqanngimmata, meeqqanut kulturimullu ingerlatsiviup pisariaqartissimavaa meeqqerivimmi Sisimi init marluk matuneqarnissaat.
Init marluk matuneqarnerat meeqqanut sulisunullu kinguneqassanngilaq, Sisimiulli Kommuneannut meeqqerivinnullu atuisartunut sipaarutaassalluni.
Sisimiut Kommuneata siorna septemberip aallaqqaataani meeqqerivik nutaaq meeqqanut 64-inut inissalikk ammarpaa, meeqqeriviullu nutaap ammarneratigut Sisimiut Kommuneanni meeqqanik utaqqisueruppoq.