Upernaakkut alapernaarsuinerit aappassaat aallartinneqarpoq

Qimussimik alapernaarsuisut Sirius januarip 20-ianniilli Avannaata sineriaani alapernaarsuisimavoq. Martsip 3-anniit 9-ata tungaanut qimusseqatigiit Avannaani alapernaarsuillutik aallartiffissaannut timmisartuunneqassapput. Tassanngaanniit upernaakkut alapernaarsuisarnermi aqqutit takinersaat ingerlaffigissavaat. Maannakkorpiaq avannaani issittorujussuuvoq. 50-it angullugit issinnera uuttorneqarsimavoq. Aamma suli kaperlattorujussuuvoq, sukkasuumilli qaammariartorpoq. Maannakkorpiaq ulloq ullormut 30-40 minutsinik tallisarpoq.

Forsvarets Mediecenerip upernaaq naallugu qimussimik alapernaarsuisut malinnaaffigissavai, periarfissaqaraangallu sap. akunneri tamaasa Kalaallit Nunaata avannaanit telefonikkut nalunaarusiorfigineqartassalluni, taamatut nalunaaruteqarpoq Forsvaret.

Naatsorsuutigineqarpoq upernaakkut alapernarsuineq junip aallartinnerani naammassineqassasoq.