Timmisartunut billetsit akikinneqqusaatilerpaat
?Air Greenlandimi Kangerlussuup Københavnillu akornanni billetsi akikinnerpaaq 3.751 kroneqassaaq - SAS-illi 3.590 kroneqartinniarpaluppaa
Timmisartuutileqatigiiffiit unammilleqatigiinnerulerput. SAS februarimi ilisimatitsivoq, majimiit septemberimut Københavnip Kangerlussuullu akornanni siumuinnaq 1.995 kronilimmik timmisartuussisassallutik (imaappooq siumut utimullu akikitsumik inissarsisinnaagaanni 3.990 kroneqassalluni). Qaammallu taanna aamma Air Greenland ilisimatitsivoq, Takussit aamma Imarpik qulaallugu timmisartuussinermi atorneqalissasut.
– Taamaalilluni Air Greenlandimut ilaalluni Kangerlussuaq-København-Kangerlussuaq 3.751,00 kroneerluni angalasoqartalissaaq akileraarutit akitsuutillu ilanngullugit, Air Greenlandimi tuniniaanermut nittarsaassinermullu pisortaq Christian Keldsen oqarpoq.
Maannalu Michael Binzer, massakkut SAS` Sales Leisuremi pisortanngorsimasoq ilisimatitsivoq, SAS-imi billetsit akikinnerpaat 1.795 kronillit julip 30-iannii augustip 31-ianni aallarnissat ilanngullugit pisiarineqarsinnaassasut (tassa siumut uterlugulu billetsit 3.590 kroneqassallutik, siumut uterlugulu billetsinik akikitsunik pissarsisinnaagaanni).
Tallimanngornermi aviisimi atuarnerugit