Politiit misissuineq unitsippaat
Nammineq assiutinik www.arto.dk-kut saqqummiussisarneq pinerluttuliornerunngilaq
Politiit erseqqissaatigaat nammineq assiutinik www.arto.dk-kut saqqummiussisarneq pinerluttuliornerunngitsoq.
Kalaallit nivissat imminnut nettekkut nittarsaattarnerat Sermitsiap ukiarmi septemberimi allaaseraa.
Tassungalu atatillugu nivissat atisaqanngingajattut assingi Sermitsiakkut saqqummiunneqarput.
Assit nivissat nammineq profiliinit www.arto.dk-miittuniit tigusaraagut.
Tamatumalu kingorna Sermitsiaq kanngunarsaasimasutut politiinut nalunaarutigineqarpoq, politiilli erseqqissaatigaat taamaattoqanngitsoq.
Nuummi Qaqortumilu politiit suliassaq unitsiinnarpaat.
– Suliassanngortitsinissamut tunngavissaqanngilaq, Bent Heiselbergikkut Jack Nathansenilu oqarput.