Ammassalimmi meeqqat tallimassaat tamarmik meeravissiaapput
Ammassallip Kommuniani meeqqat amerligaluttuinnartut angerlarsimaffiup avataanut inissinneqartartut AG allappoq.
Annonse
Ammasallip Kommuniani siorna meeqqat 202-it angerlarsimaffiup avataanut inissinneqarput. Tassa imaappoq meeqqat tallimassaat tamarmik meeravissiaasut. Naatsorsueqqissaartarfik naapertorlugu kommunimi meeqqat 995-iupput.
Aviisi naapertorlugu meeqqat affaat nammineq isumaqatigiissutigalugu angerlarsimaffiup avataanut inissitaapput. Ataatsimut isigalugu 2005-imut sanilliullugu siorna meeqqat angerlarsimaffiup avataanut inissinneqartut 22-nik amerleriarput. Tamanna kommunip meeqqat isumassorneqarnerannik sammisaqarnerulerneranit pissuteqaratoq kommunaldirektør Laurits Bloch oqarpoq.
– Imaanngilaq meeqqat amerleriarsimasut, meeqqanulliuna pitsaanerpaasoq maluginiarlugu samminiarnerlersimagipput, Laurits Bloch AG-mut oqarpoq.