Malittarisassat sukanganerusut aalisarnerup iluani assortuussutaapput
Namminersorluni aalisariutaatilik namminersornerullutik oqartussat malittarisassiaannik tapersersuivoq
Avataasiorluni aalisarnermi malittarisassanik sukaterinermik kingorna naalakkersuisut ilimaginngisaminniit taperserneqarput. Peqqussut nutaaq malillugut raajat pisarineqartut amerlassusaat umiarsuit allattaaviinut allattukkat tunngavigalugit naatsorsorneqartartussanngorput - tulaassatut nalunaarutigineqartut pinnagit.
Malittarisassat aalisarnerpaasartunit akerlerineqarsimapput, aalisartullu sulisunik soraarsitsiortortoqarlunilu avammut tunisaqartarnermi isertitat ikinnerulernissaat ilimasaarutigaat. Namminesortulli kilisaatitaatileqatigiiffiisa Niisa Trawlikkut Sikuaq Trawl-illu malittarisassat nutaat tapersersorpaat, tassuunalu pisaqarpallaartarneq unitsinneqarsinnaanerarlugu.
– Malittarisassat nutaat kingunerisaannik pisassiissutit ilaasa qanoq amerlatigisut pisarineqarsimanerat nakkutigiuminarnerulissaaq. Tamannalu aalisarnermut tamarmut iluaqutaassaaq, aalisartunut suliffissuarnullu, Niisa Trawlikkut Sikuaq Trawlillu direktøriat Carl Christensen oqarpoq.
Tallimanngornermi Inuussutini atuarnerigit