Imminortarneq issittumi ileqqutoqaavoq
Issittumi tamarmi imminortarnermi ileqqoq assigiissoq takuvarput, ilisimatuut oqarput. Qanga utoqqaat, ataatsimuussutsimik artukkiisut, akornanni imminortarneq aaqqiissutaasarsimavoq.
Kalaallit Nunaanni meeqqat inuusuttullu akornanni imminoriartarnerit toqunissamik kissaateqarnermik tunngaveqanngillat, ikioqqulluniuna suaartarnerit. Qanga utoqqaat, ataatsimuussutsimik artukkiisut, akornanni imminortarneq aaqqiissutaasarsimavoq. Kulturillu tamassuma ilaa meeqqanut inuusuttunullu anngussimavoq, Tasiilami atuarfiup pisortaa Jørn Holbech Kristeligt Dagbladimut oqarpoq.
Tamanna RDane Wilerslevip, Aahus Universitetimi antropoligip ph.d.-llu uppernarsarpaa. Taassuma issittumi, Alaskamiit, Kalaallit Nunaannut Siberiamullu imminortarnerit misissuiffigai. Qaammalini arlalinnik Siberiameeqqammerpoq, tassanissaarlu imminortut amerlasaqaat.
Issittumi tamarmi imminortarnermut ileqqoq assigiissuuvoq, pingaartumillu angutit inuusuttut 16-it 30-illu akornanni ukiullit imminortarput. Kukkuneruvorli isumaqassalluni imminnortarnerit taamaallaat nassuiarneqarsinnaasut ilaqutariit pissusiata ingerlannginneranik, imigassamik atornerluinermik kinguaassiuutitigullu atornerluinermik, issittumi inuiaqatigiinni kulturikkut annaasat pissutigalugit. Atuakkani takuneqarsinnaavoq imminornerit tamakkua 1800-ukkunni aamma pisarsimasut, Rane Willerslev oqarpoq.
Taassuma Kristeligt Dagbladimi tikkuarpaa imminortarneq issuttumi tunngaviusumik pisinnaaatitaaffittut isigineqartoq, ernioqqinnissamillu eqqarsartariaaseq suli sumiiffippassuarni atuuttoql. Taamaasilluni imminortarneq takorloorneqarpoq anersaanut piliuteqarnertut, allaat inuianni kristumiusuni. Tamakkunani imminortarneq paquminarnerusutut isigineqaannarpoq, inuianninngarnit suli pinngortitamik upperisalinninngarnit.
Gruppilluunniilli suulluunniit pineqaraluarpata inuusuttut imminortarnerat inoqatinik soqutiginninnginnertut isigineqarput. Tassa imaappoq, akuersaarneqarsinnaanngitsutut isigineqarpoq angutip inuusuttup aappaminit qimanneqaqqammersup immiornera, allanik paasissutissiinani.
Periuseq tamanna Tasiilami ukiuni arlalinni inuusuttut, arlaatigut imminornissamik ulorianartorsiortutut isigineqartut, akornanni allanngortinniarneqarsimavoq. Immikkut sammineqarnissaminnik pisariaqartisisinnaapput, immaqa nikallungallutik, immaqaluunniit inersimasoq saaffiginnittoq inuusuttoq ernumanartoqartikkamiuk. Inuusuttut sapaatip akunneranut ataasiarlutik kommunip tarnip pissusiinik ilisimatuuva naapeqatigisarpaat.