Asilerisut ICC nersornaatiseqatigaat
Avatangiisit pillugit nersornaatit siulliit tunniunneqarput.
Pinngortitamut Avatangiisinullu nersornaat Namminersornerullutik Oqartussat nutaatut pilersitaat Asilerisut ICC Grønlandillu siullersaallutik pissarsiaraat. Nersornaatisisut Kalaallit Nunaanni avatangiisiit allanngutsaaliorneqarnissaat pilllugu suliniutitik pissutigalugit 25.000 kr.-nik 50.000 kr.-nillu nersornaaserneqarput.
ICC suliniut Sila-Inuk-projekt, silaannaap pissusaasa allanngornerisa inunnut sunniutaannik misissuiniarluni suliniut pillugu nersorsaaserneqarpoq, Asilerisullu pinngortitap allanngutsaaliornissaanut innuttaasunik suleqataasitsiniarnertik pillugu nersornaaserneqarlutik.
Pinngortitamut avatangiisinullu nalaakkersuisoq Agathe Fontain nersornaammik, "inuit, suliffeqarfiit, sulliviit peqatigiiffiilluunniit tamatta pinngortitanik avatangiisinillu pingaartitsinerulernissarput pillugu maligassiullutik suliniartut, suliniuteqarnermikkulluunniit avatangiisiit pinngortitallu pinngorsaaffigineqarnissaaanik suliniuteqartut" nersornaaserneqartarnissaat pillugu aallartinneqarsimasumik tunniussisuuvoq.