Erseqqissumik ilisimatitsineq nuannaraa
Gite Seebergili kisitsisinik kukkusunik atuisimannginnerarpoq
– Puisinniartarneq pillugu kisitsinik eqqunngitsunik saqqummiussisimanerarlugu Great Greenlandip oqarnera eqqunngitsuunerartariaqarpara. Kisitsisit Kalaallit Nunaanni Naatsorsueqqissaartarfimmeersut nunanilu tamani uumasut nakorsaasa misissuineranneersut atorpakka. Pasissutissarsiffiit taakku tatiginartuupput, Det Konservative Folkeparti sinnerlugu Europa-Parlamentimi ilaasortaq Gitte Seeberg oqarpoq.
Kalaallit Nunaanni Naatsorsueqqissartarfik malillugu Great Greenland piffissami 2003-2005 ukiumut Canadamiit 40.000-it 50.000-illu akornanniittunik amersisarsimavoq, taakkulu Great Greenlandip amersiarisarsimasaasa tamarmiusut 27,5% aamma 40,2%-eraat. 2006-imi kisitsisinik suli saqqummiussisoqanngilaq.
– Kisitsisilersortaqattaarneq piunnaarlugu uanga iluarinerussavara Great Greenlandip Canadamiit amersisarnermut tunngatillugu narlorninartut tamaasa persippagit. Nuannersuusoq suliffeqarfiup maanna erseqqissumik nalunaarutigimmagu, 2006-imi uumasunik naalliutitsineq tapersersorsimanngikkitsik. Neriuppunga taamaaliortuaannarumaartut Canadamiillu puisit amerseqqissanngitsut - ukiormanna ukiunilu aggersuni, Gitte Seeberg nangippoq.
Gittte Seeberg marsip 22-ianniit 28-iannut Canadamiissaaq uumasunik illersuiniaqatigiiffik Humane Society of the United States peqatigalugu puisinniarneq malinnaaffigissallugu.