Nuummi ilinniartitsisut 50-it amigaataapput
Problemet kunne løses hvis lærerne tog tre overarbejdstimer om ugen.
Ajornartorsiulligooq annikillisinneqarsinnaavoq ilinniartitsisut sapaatip akunneranut nalunaaquttap akunneri pingasut qaanngiuttoortalertuuppata, taamaasilluni ilinniartitsisunik amigaateqarneq affaannanngortinneqarsinnaammat.
Ilinniartitsisut amigaataasut tassaanerupput qallunaat tuluillu oqaasiinik ilinniartitsisut. Nuup kommuneata nassuerutigaa inissaaleqineq meeqqerivinnillu amigaateqarneq ilinniartitsisussaaleqinermut pissutaaqataalluinnartut.
– Ilaqutariit arlalinnik meerartallit sivisuumik utaqqisinnaasarput sisamanik tallimanilluunniit initalimminik initaarnissaminnut, taama Nuup Kommunea nittartakkamini allappoq.
Ilinniartitsisussaaleqinerujussuaq oqaluuserisassaniippoq Nuummi kommunalbestyrelse ileqquusumik ataatsimiilerpat ataasinngorneq marts-ip 26-iat, tassanilu iliuusaasinnaasut allallit qaqilerneqassapput.
Nuup kommuneata isumaliutigaa oqaatsinik ilinniartitsisut immikkut tapeqalernissaat tamannalu atulersinnaanerarpaat sulinermut isumaqatigiissut nutaassaq atuutilerpat. Aamma periarfissaasorineqarpoq ilinniartitsisutut Ilinniarfissuarmiit naammasserlaat atorfitsittaleqqinnissaat soorluttaaq isumaliutigineqartoq oqaatsinik ilinniartitsisunik Danmarkimiit tikisitsiniarnissamut immikkut iliuuseqartoqassasoq.