Søren L. Mortensenip atorfinitsitaanera inissippoq
KNI-p pisortartaava dronningip inuuiani sulilissaaq.
Sap. akunnerani kingullermi Sermitsiap siulittuineratut INI-p pisortarisimasaa Søren L. Mortensen ulluni KNI-p pisortaaneratut nutaatut atorfinitsitaavoq.
Siulersuisuni siulittaasup Simon Olsenip unnuk manna nalunaarutigaa Søren L. Mortensenimik isumaqatigiinniarnerit kingulliit inissinneqartut, atorfinitsitaanermullu isumaqatigiissut ullumi ullup-qeqqata siuninngua atsiorneqartoq.
– Isumaqatigiinniarnerit kinguaattoortarsimapput, ilaanneeriarluni illua'tungeriit imminnut qimattarlutik, isumaqatigiittoqarporli illua'tungieriinnut naammaginartumik, Simon Olsen allappoq.
Pisortaaneq nutaaq suliffittaamini sulilissaaq ataasinngornermi aprilip 16-ianni.
Sermitsiap aamma siulittuutigaa Arctic Green Foodip pisortaa Tønnes Berthelsen soraarsinneqassasoq, tamatumunngali atatillugu isumaqatigiinniarnerit suli naammassisimagunanngillat.