Ilulissani angerlarsimaffeqanngitsunut containerit
Ilulissani Kommunalbestyrelsi aalajangerpoq containerinik kiassarsimasunik illoqarfimmi angerlarsimaffeqanngitsunut allanullu inissaaleqisunut atugassaqartitsiniarluni, taamatut AG allappoq.
Annonse
Inissiaagallartussat ukiut nikinneranni piariissapput.
Containeri ataaseq inummut ataatsimut naatsorsuussaavoq, inissiarlu marlunnik ineeraqassaaq perusuersartarfeqarlunilu.
Containerit inissialiat siusinnerusukkut Royal Greenlandimit atorneqarsimapput sulisartunut illoqarfiup avataaneersunut.
Borgmesterip tullia siulleq Bent Broberg Kristiansen, IA, aviisimut oqarpoq angerlarsimaffeqanngitsunut inissianik ukiuni arlalinni pisariaqartitsisoqarsimasoq. Aj0ornartorsiut ajorseriarsimavoq angerlarsimaffeqanngitsut amerliartornerat ilutigalugu.
Kommuni naapertorlugu inuit inuttut ajornartorsiutillit 61-it angerlarsimaffeqanngillat.