Kujataani inissialiat radonilerujussuupput
Kujataani nunap sananeqaataa nunap iluani radonimik pilersitsinissamut ulorianaatilerujussuuvoq.
Annonse
Grønlands Forundersøgelserip Asiap aamma NIRAS Greenlandip 2003-miit 2004-mi majip tungaanut Narsami, Qaqortumi Nuummilu inissiat 258-it radoneqassusiat uutortarsimavaat.
Radon gas-iuvoq nunap iluaniit aniasoq puakkullu kræfteqalersitsisinnaasoq.
Nalunaarusiami illoqarfiit Nanortalik, Narsaq Qaqortorlu taaneqarput, Kitaani illoqarfinni allani nunap ilua radonimik annikitsumik pilersitsisartoq.
Misissuineq, tamatuminnga misissuiinermi kisiartaasoq, Ineqarnermut Angallannermullu Pisortaqarfimmit ingerlanneqarsimammat nalunaarusiakkut inassutigineqarpoq sumiiffiit annertuumik radonillit sumiissusersineqassasut, siunissamilu sanaartornerni nunap iluanit radonimik aniasoqarsinnaanera sianigineqartassasoq.