Mælkebøtten 6000-it sillerlugit pulaartulik
Nuummi ornittakkap Mælkebøtten-ip sammisaqartitsivii 2007-imi 6404-nit isersimaffigineqartarsimapput.
Tassa ulluni Mælkebøtten-ip ammaffigisartagaani agguaqatigiisillugu meeqqat 21-it isersimasarput, taamak ornittagaq ukiunik marlunngortorsiorneranut atatillugu ilisimatitsivoq.
2007-imi apriilimiilli ornittagaq ullut tamaasa ulloq unnuarlu ammasarsinnaasimavoq. Kisianni taamaallaat meeqqat Nuup Kommuneata isumaginninnermut ingerlatsivianit pilertortumik inissinneqarsimasut kisimik pineqarput, Mælkebøtten ilisimatitsivoq.
2007-imi meeqqat 62-it nalunaarsorneqarsimasut ulluni katillugit 1872-ini inissinneqarsimasimapput, taamalu agguaqatigiisillugit meeqqamut ataatsimut inisseeqqasarnerit ullut 30-iupput. Nukappiaqqat 35-it niviarsiaqqallu 27-t pineqarput. Meeqqanit 62-iusunit 16-it uteqattaartuupput - meeqqat Mælkebøtten-imut ataaseq sinnerlugu inissinneqartarsimasut.
Meeqqat Mælkebøtten-imi 2007-imi unnuisarsimasut amerlanersaat ukioqqortussuseqarput, pingasunik, 6-8-nik ukiullit aamma 13-inik ukiullit.