Ajugaasoq toqqarneqarpoq
Sâmo Jacob Nielsen, Nuuk, 10.000 koruuninik tunineqarpoq ukiup frimærkianik taasisimasutut.
Annonce
Frimærki kunngissakkunnik assiliartalik, Sermitsiap assiliisuata Leiff Josefsenip assilisaa malillugu sananeqarsimasoq, qanittukkkut 2006-imi nunatsinni frimærkit kusanarnerpaattut toqqarneqarpoq.
Ukiup frimærkianik toqqaaqataasut inuit 4200-uupput, tamakkualu akornanni ajugaasumik 10.000 koruuninnattussamik makitsisoqarpoq.
Ammassalip Kommuniani borgmesteri Vittus Mikaelsen ajugaasumik kiisalu saammarsaatitut akissarsianik qulinik makitsisuuvoq, taamatut paasissutissiivoq Tele Post.