Nuussuarmi eqqaassineq

Nuussuup ilaaniittoq Nuniaffik politiinit matuneqarpoq tamaangalu angallanneq inassutigineqanngilaq. Sermitsiaq.gl-ip pisimasut qanimut malinnaaffigai.

Nal. 13.05 miss.

Tusarfiit tutsuiginartut naapertorlugit arnaq angullu Nuniaffik 16-miittut politiinit tigusarineqarput, Nuussuarmilu assersuineq taamaatinneqarluni.

-------------------

Nal. 12.15 miss.

KNR Radioaviisi naapertorlugu arnaq angullu Nuniaffik 16-miittut qulliliornartoq atorlugu politiit anisinniarsaraat.

------------------

Nal. 11.45 miss.

Arnaq aalakuunnguatsiartorujussuaq arlaleriarluni Nuniaffimmi inissiamiit aallaammik igittarsimavoq. Politiit arnaq inissiap igalaavaniit ilaanneeriarluni suaartartartoq atassuteqarfigaat, inissiamiilli aniumannginnguatsiarpoq, assiliisorput Leiff Josefsen assinik nittartakkatsinniissussanik tunniussiartorluni maannakkut aaqqissuisoqarfimmukalersoq oqarpoq.

--------------------

Nal. 10.50 miss.

Inissiamit Nuniaffik 16-imiit eqqaassisoqarpoq, assiliisorput Leiff Josefsen tappavaniittoq oqaluttuarpoq.

Inissiaq kimmut sammivoq, bussit unittarfiata blokkillu tunugujortup aqquserngup Nuussuarmik taaneqartartup killinganiittup tungaanut.

Politiit sakkulersorsimasut qulingiluat inissiaq aallaasersorfiusoq qanilliartuaarpaat, Leiff oqaluttuarpoq.

---------------

10.05 miss.

Illoqqarfiup immikkoortua Nuussuaq tassani eqqaassisoqarnera pissutigalugu matuneqarsimavoq. Nuup Bussii qanittukkut (9.40) aallaasersorneq pissutigalugu bussinik Nuussualiortitsisarunnaarput. Bussinilli Nathaliamukartoqartarpoq.

Sermitsiaq.gl-ip pisimasoq suli erseqqinnerusumik paasisaqarfiginngilaa, tusarfiilli tatiginartut oqaatigaat Nuniaffiup eqqaani eqqartoqartoq. Qasseriarluni igittoqarsimanersoq sumerpiamiilli igittoqarsimanersoq erseqqissumik ilisimaneqan ngilaq, assiliisorput Leiff Josefsen taakaniittoq oqarpoq.

Blokkit sungaartut Nuniaffimmiittut eqqaat matuneqarsimavoq Nuussuullu Atuarfiani atuartut ukiumoortumik sisorartussaagaluartut atuarfimmut isumannaatsumut utertinneqarsimapput.

----------

10.30 miss.

Paasisagut naapertorlugit meeqqat meeqqerivinni matoqqatitsivimmiittuni Mukumiittut Apissimiittullu matoqqatitsisoqarnerata nalaani aneersinneqanngikkallassapput.

Powered by Labrador CMS