Sarfaq Ittuk maajimi angalaqqilissaaq
Umiarsuaq ajutoornermi kingorna angalaqqissinnaalerpoq.
Sapaatit akunneri marluk matuma siorna Arctic Umiaq Linep ilaasartaataa ‘Sarfaq Ittuk’ Danmarkimi amutsivimmeereernerata kingorna nunatsinnut ingerlaartillluni malissuarnit qaarfigitipppoq, kingunerivaalu aquttarfiani igalaat pingasut, kiisalu teknikkikkut atortut annertuumik ajoquserneratigut umiarsuaq Danmarkimut uterpoq ajoqusernerani iluarsaatassat suliaritikkiartorlugit.
Pisortaq Jette Larsen oqarpoq umiarsuaq teknikerinit misissorneqareersimasoq, maannakkullu siunniunneqartoq Sarfaq Ittuup pilersaarutit malillugit qaammammik ataatsimik kingoqqutsilluni ingerlalernissaa.
Maajip aappaata tungaanut inniminniiinikut Arctic Umiaq Linemiit attavigineqassasut Jette Larsen ilisimatitsivoq.
Sarfaq Ittummut Royal Arctic Bygdeservicillu umiarsuaaraannut maanna internetsikkut bilitsinik pisisoqarsinnaalerpoq. www.aul.gl-imut iserluni aasamut angalanissamut bilitsinik pisisoqarsinnaavoq.