Qimussimik ilisimasassarsiorneq nunanit allaniit soqutigineqarpoq

Ole Jørgen Hammekenip Uummannamiit Ilulissanut qimussimik aqqummik nutaamik ammaaniarluni qimussernera franskit canadamiullu tv-kut aallakaatitassiaraat.

Aallarput.

Ole Jørgen Hammeken Sermersuakkoorluni Uumannamit Ilulissanut qimussimik aqqummik nutaamik appassaaneerluni nassaarniarniarluni pingasunngormat aallarpoq.

Maannakkorpiaq sermersuup tungaanut ingerlaarpoq, taannalu sisamanngorpat angussangavaa.

Qimussertut Uummannameersut Ikerasammeersullu arfinillit filmiliortartorlu Bertrand Lozay Frankrigimeersoq angalaqatigai.

Angalasut sapaatip akunnera qaangiuppat Ilulissanut tikissangapput.

Angalanerup nalaani filmiliaq Frankrigimi Canadamilu takutinneqassaaq.

– Neriuutigaarpulli KNR TV aamma soqutiginnikkumaartoq. Imaalluarsinnaavorlu nunat allattaaq, pingaartumik issittuniittunik »pigisaqartut« aamma soqutiginnikkumaartut, Ole Jørgen Hammeken Ikerasammiit aallalerlutik oqarpoq.

Powered by Labrador CMS