Kinguaassiuutitigut atornerluinermut akerliuneq
Nuna tamakkerlugu akerliuniartoqarpoq meeqqat namminneq timiminnut oqartussaassuseqarnerat malunnartinniarlugu.
PAARISA-p nunami meeqqat atuarfianni atuartut ilinniartitsisullu kajumissaarpai pingasunngornermim februarip 28-ianni 2007 nal. 13.00 nuna tamakkerlugu akerliuniarnermi peqataaqqullugit, tassuuna nalunaajaatigineqassalluni meeqqat nammineq timiminnut oqartussaassuseqarnerat.
Kajumissaarut nuna tamakkerlugu nuna tamakkerlugu meeqqanik kinguaassiuutitigut atornerluisarnermik paasisitsiniaanerup ilagaa.
PAARISA qaammat januari naallugu atortussanik arlalinnik meeqqat atuarfiinut nassiussuisimavoq, meeqqat pisussaaffiinik takutitsisunik atuarfiillu ullormi akerliuniarfimmi atorsinnaasaannik. Atortussanut ilaavoq qaammatisiutit iikkamut nivinnartakkat FN-ip Meeqqanut isumaqatigiissutaani immikkoortunik toqqarneqartunik imallit.
Qaammatisiutit pissanganartunik assitalersorneqarsimapput meeqqat pisinnaatitaaffiisa oqaloqatigiissutiigineranni aallaaviusinnaasunik, meqqinik nipputsittakkanik badges-inillu oqaasertalinnik "Meeqqanik kinguaassiuutitigut atornerluineq unitsilli", pinsillu paasisitsiniaanerup ilisarnaataanik naqinnillit: naasunnguaq aappalungusersoq qeeqani aappalaartumik uummatitalik, aammalu tusagassanik allattuiffiit qaammatisiutini assiliartanik toqqakkanik assitallit kajumissaatutitallillu meeqqat kinguaassiuutitigut atornerlunneqartarnerisa oqaluuserineqarnissaanik.