Nipangiussaq
Ilaquttat inuiaqatigiillu ilisimatinneqarsinnanngillat Qaqortup Kommunia qanoq iliuuseqarsimanersoq 7-nik ukiulik Ariel Hegelund, ukioq Sisimiuni alianartumik anaanaaruttoq ikiorserniarlugu.
Qaqortup Kommuniani oqaaseqartoqarusunngilaq 7-inik ukiulik Ariel Hegelund, anaanami Louise Hegelundip toqutaanerata kingorna, qanoq ikiorneqarsimanersoq.
– Meeqqat pineqartillugit nalinginnaasumit annertunerusumik nipangiussisussaatitaavugut, ilaqutaaluunniit ilisimatissinnaanatigit, Qaqortup Kommuniani isumaginninnermut ataatsimiititaliami siulittaasoq Lisbeth Søvndahl Pedersen (IA) oqarpoq.
Ariel Hegelund anaanani toqutaammat Qaqortoq ataatamini killilikkamik najugaqarpoq, arni ilinniarfimmini suliassaminik naammassinninnissaata tungaanut. Toqutaanerata kingorna ilaqutaasut angutaalu Qaqortup Kommunianut ataasiaratik saaffiginnittarsimapput niviarsiaraq oqaloqateqarnissaanik ikiortissarsiuullugu.
Ariel tassanngaannartumik pisoqartillugu kommunimi piareersimatitaasartunit ikiorneqarsimanngilaq, atuarfimmi annaasaqarsimasut oqaloqatigiittafianni peqataasimanani psykologimilluunniit oqaloqateqarsimanani, naak anaanami toqunerata kingorna pisariaqartitsinera erseqqeqqisoq, soorlu arnani puigortutut illugu, angutaa Martin Jakobsen arnaatalu ajaa, Rikke Hegelund Rosing, oqaluttuarput.
Qaqortumi Tasersuup atuarfiani pisortaq Gerhard Egede oqarpoq niviarsiaqqap angutaa ilisimatinneqarsimasoq atuarfimmi qoaloqatigiittarfimmi peqataanisamut Ariel periarfissaqartoq, Martin Jakobsenili oqarpoq neqeroorummik taamaattumik tunineqarsimanani.
Sermitsiaq atuaruk...