Innaarsuit: Pilersuisoq akunneq ataaseq ammatinneqarpoq

Avannaata Kommuniani upalungaarsimasut naliliinerisa kingorna, Kalaallit Nunaanni Politiit aamma upalungaarsimasut, pisiniarfiup ammarneqarnissaa aalajangiuppaat.

Avannaata Kommuniani upalugaarsimasussaatitaasut ullumikkut Innaarsuit saavani iluliarsuaq pillugu naliliipput.

Avannamut nikittoq

Iluliarsuaq unnuap ingerlanerani avannamut 500-600 meterit missaanni nooriarsimavoq.

- Tamanna toqqammavigalugu Kalaallit Nunaanni Politiit Avannaata Kommuniani upalugaarsimasussaatitaasut peqatigalugit aaliangerpaat Pilersuisup pisiniarfiata ammarallarsinnaaneranut periarfissinniarlugu nal. 11.30 aammalu nal. 12.30 akornani, taamaalilluni innuttaasut nerisassanik orsussanimillu pisiniarsinnaaniassammata, politiini pigaartut pisortaat, Aqqaluk Petersen, tusagassiuutinut nalunaarummi ilisimatitsivoq.

Inersimasut kisimik pisiniarsinnaasut

Upalugaarsimasussaatitaasut nakkutilliinertik ingerlatiinnassagaat ilisimatitsissutigneqarpoq. Innersuussutigineqarpoq inersimasut aammalu pittorluttuunngittut kisimik niuerniassasut.

Qimagutitsinneqarsimasunut killiliussat suli atuupput, Kalaallit Nunaanni Politiit ilisimatitsipput.

Powered by Labrador CMS