Assit takukkit: Mittarfiit nutaat ima isikkoqassapput

Kalaallit Airportsip marlunngornermi ataatsimeersuarnerminut atatillugu Ilulissani, Nuummi aamma Qaqortumi mittarfeqarfiit qanoq ilusilersorneqarnissaannik unammisitsinermut tamakkiisumik siunnersuisussaq sorleq toqqarneqarsimanersoq saqqummiuppaa.

Unammeqataasut pingasut akornanni – ataaseq unamminermit tunuarniarluni aalajangersimavoq – naliliisussatut ataatsimiititaliami namminiusumi isumaqatigiissutigineqarpoq, pitsaanerpaamik siunnersuusiorsimasut Cowi pingaarnertut siunnersuisuussasoq, Zeso Architects aamma Masanti siunnersueqataassasut.

Isumaqatigiissusianik isumaqatigiinniarnerit

Kalaallit Airportsip maanna isumaqatigiissusiorniarnermut isumaqatiginninniarnerit aallartissavai, ingerlatseqatigiiffiullu mittarfiit sanaartorneqarnissaannut eqqortumik akimik nassaartoqanngippat periarfissat tamaasa ammatinniarpai.

- Suliniummik ajugaasuusoq aningaasaliissutissat sinaakkutaat 8-10 procentimik pallillugit akeqarpoq. Maanna suliniut millisarneqalissaaq, taamaalilluni sanaartukkat missingersuutitsinnut naapertuutilerniassammata, Kalaallit Airportsimi siulersuisunut siulittaasoq, Johannus Egholm Hansen, taama ilisimatitsivoq.

Mittarfinnut nutaanut pingasunut aningaasaliissutit katillugit 4 milliardit koruunit missaanniipput. Taakkunanna 1 milliardit koruunit missaat mittarfiit illutassaannut immikkoortinneqarlutik.

Atortunik assigiinngitsunik toqqaaneq

Siunnersuutit ajugaasut pingasut, illussanik ilusilersuisarfimmit ataatsimit ilusilersorneqartut imminnut assingupput, illulli silataanni iigartaasa atortui toqqarneqartut assigiinngitsuupput.

Nuummi silataa betoniussaaq, Ilulissani aluminiumiussalluni, Qaqortumi mittarfeqarfik mikinerusoq qisummik qallerneqassalluni.

Nuummi ilaasunut 800-nut inissaqassaaq, tamannalu maanna mittarfeqarfiusumit arfineq-pingasoriaammik angineruvoq. Ilulissani mittarfeqarfik ilaasunik 600-nik inoqarsinnaanngorlugu ilusilersorneqarsimavoq, Qaqortumilu inuit 400-t mittarfeqarfimmiissinnaassapput.

Saqqummersitaq ingerlaartoq

Mittarfiit nutaat illutaasa qanoq iluseqarnissaannik takusassiat saqqummersitat ingerlaartinneqassapput, Nuummi innuttaasut siunnersuutit qulingiluaasut tamaasa takusinnaassavaat. Aggustimi saqqummersitaq Ilulissaniissaaq.

Nuummi mittarfeqarfiup illutassaa nunami qatsissutit assigiinngitsut atorluarlugit sananeqarluni marlunnik quleriit pingajuat avillugu portussuseqassaaq. Mittarfeqarfimmit nunamut isikkivissaaq.

Sanaartorneq eqaatsoq

Sanaartukkata allanngorneqarsinnaanissaat pingaartinneqarsimavoq, taamaalilluni illut allisinneqarnissaat akisuallaassanatik, tassanilu aamma ilaasut illumik atuinerminni ilorrisimaarnissaat pingaaruteqarsimalluni.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS