Qinersisartunik ataatsimiititsinerit kalaallisut
Sinerissami illoqarfinni qinersisartunik ataatsimiititsineritkalaallisut qallunaatullu ingerlannagit KNR-ipqinersisartunik ataatsimiititsinerit kalaallisuinnaqingerlattarniarpai
I natsisartut marsip 13-ianni immikkut ittumik ataatsimiinnerminni apriilip 24- anni 2018 qinersisoqarnissaa akuersissutigaat. Tamatumunnga atatillugu sinerissami qinersisartunik ataatsimiititsinerit tallimat KNR-ip tv-iikkut radiokullu toqqaannartumik aallakaatittassavai, nutaatulli KNR aalajangersimavoq sinerissamit qinersisartunik aallakaatitsinerit tamatumuuna ka- laallisuinnaq ingerlanneqartassasut, kalaallisuumulli qalluaatuumullu toqqaannartumik nutserisoqartassalluni.
Aviisi Sermitsiaq taama allaaserisaqarpoq.
Torrutiinnarlugu nutserneqartassasut
Taamaallaat Nuummi qinersisartunik ataatsimiititsinerit qallunaatut kalaallisullu ingerlanneqartassapput.
– Qinersisartunik ataatsimiititsinerni tamatumuuna allaanerusumik misiliiniarpugut. Qinersisartut tamaasa, kalaallisut qallunaatullu oqaasillit, ataatsikkut qaaqquniarpavut. Qinigassanngortittut qallunaartaqarpata tamakkua oqalukkaangata torru- tiinnarlugu kalaallisuumut nutserneqartassapput. Qinersisartunit qallunaatut apeqquteqartoqarpat aamma kalaallisuumut nutserneqartassapput, taamaasilluni qineqqusaartut kalaallisut oqaluttut oqaatsit atorumanerusatik atorlugit akisinnaasassallutik. Qallunaatullu oqaluttut aamma taamatut. Qanga qinersisartunik ataatsimiititsinerit kalaallisut qallunaatullu immikkoortillugit ingerlanneqartarsimapput, maannali misilinniarparput manna tamanut ajornannginnerullunilu pitsaanerussanersoq, tassami misigisarsimagatsigu qineqqusaartut ilaat oqaatsit sungiusimanngisatik atorlugit saqqummiussinissartik ajornakusoortittaraat nutaarsiassalerinermi pisortaq Mikkel Bjarnø Lund oqarpoq.
Sinerissamit qinersisartunik ataatsimiititsinerit KNR Radiokkut aamma toqqaannartumik aallakaatinneqartassapput, torrutiinnarlugulu nutserinerit KNR2-kkut tusarnaarneqarsinnaassallutik.
Qinersisartunik ataatsimiititsinerit illoqarfinni ukunani ingerlanneqassapput ullunilu piffissanilu makkunani aallakaatinneqartassallutik:
- Ilulissat – marlunngorneq 3. april nalunaaqutaq 19:30 – 22:25 (Timersortarfik)
- Aasiaat – sisamanngorneq 5. april nalunaaqutaq 19:30 – 22:25 (Timersortarfik)
- Sisimiut – arfininngorneq 7. april nalunaaqutaq 14:00 – 16:55 (Timersortarfik)
- Qaqortoq – marlunngorneq 10. april nalunaaqutaq 19:30 – 22:25 (Timersortarfik)
- Nuuk – arfininngorneq 21. april nalunaaqutaq 14:00 – 16:15 (GU-p Inersua)
- Nuuk – arfininngorneq 21. April nalunaaqutaq 16:30 – 18:25 (GU-p Inersua)
Allaaserisaq tamaat aviisimi Sermitsiami atuaruk. Taanna uani ataani linki tooriarlugu isissutissarsiffigisinnaavat: